السلام عليكــم ورحمـة الله وبركاتــة ،،

انا فتحت الموضوع ده الن احنا اكتر دفعه ضحيه للاشاعات وكل يوم اشاعه جديده.

طبعا لسه منسيناش سنه 4 وكمية الاشاعات اللى اتروجت واتصدقت وكلنا اسينا منها.

من امتحانات الشوك ونزول الدكاتره وحتى نظام الامتحانات .

احنا نكتب هنا اى خبر مش متأكدين منه 100% ولكن يراعى كتابة الاتى:

اولا: مصدر الخبر (لا يشترط الاسم)

ثانيا : طالبا كان او دكتور وياريت نقول سمعته من الدرس او المحاضره او منين

ثالثا: انت مصدق الخبر وواثق منه بنسبة كام %

رابعا: بعد ما احنا نقرأ الخبر اذا كنا سمعناه نكتب ونقول

وبكده ممكن نعرف نصدقها ولا لا

ويارب ما يكوزن فى اشاعات فى الدفعه . وسلام

انا الاشاعات دى بتستفزنى بشكل غريب


طب ما دام احنا مش متأكدين اصلا بنقول ليه ؟؟؟؟


لو مش متأكد و مقولتش و طلع بجد

محدش هيزعل منك و محدش المفروض يقدر يلومك

اما لو قلت ....

فبكده تبقى انت مروج اشاعات




انا من وجهة نظرى شايف ان التوبيك ده مش هيضيف جديد

مجرد هيزود الاشاعات


و خطوة ايجابية منى ضد الاشاعات .... مش هنشر اى خبر الا لو متأكد منه 100 % سواء فى الكلية او على النت

و بكده

يبقى مش هشارك فى التوبيك ده

سلام

اولا : شكرا لمشاركت حضرتك فى التوبيك حتى بهذا الرأىاللى انا اكيد بحترمه.

ثانيا: اكيد كلنا بتستفزنا الاشاعات

ثالثا : اكيد انا مش اقصد ترويج الاشاعات او احداث بلبله فى الدفعه.

رابعا: انا قصدى من التوبيك معرفه اصل كل اشاعه ومعرفه مدى صحتها يعنى نصدقها ولا لا .

يعنى لو فكرنا بأول خبر الخاص بمحاضره د/محمود سالم , هو ماكنش اشاعه بنسبه 100% او كان اكيد بنسبه 100% ومعظمنا شك فى صحته

بس عشان اغلبيتنا متلهف على محاضرات د/ محمود سألنا واستنينا . وطبعا روند الباطنه _وانا منهم_ مفيش عنده مشكله عشان المحاضرات

لكن الروندات التانيه استنيت للساعه 3 من غير فايده وده اكيد بيضايق

يعنى لو كتبنا كل خبر متأكدين منه بنسبه كبيره ولو اى عضو سمعه من مصدر مختلف يبقى حنقدر نفرق بين الاشاعه والحقيقه.

اسفه للتطويل بس كنت ببين وجهة نظرى. وسلام

إقتباس(SpeedFreak @ 8 Oct 2008, 05:05 PM)

انا الاشاعات دى بتستفزنى بشكل غريب


طب ما دام احنا مش متأكدين اصلا بنقول ليه ؟؟؟؟


لو مش متأكد و مقولتش و طلع بجد

محدش هيزعل منك و محدش المفروض يقدر يلومك

اما لو قلت ....

فبكده تبقى انت مروج اشاعات




انا من وجهة نظرى شايف ان التوبيك ده مش هيضيف جديد

مجرد هيزود الاشاعات


و خطوة ايجابية منى ضد الاشاعات .... مش هنشر اى خبر الا لو متأكد منه 100 % سواء فى الكلية او على النت

و بكده

يبقى مش هشارك فى التوبيك ده

سلام

السلام عليكم جميعـــــا


ينصر دينك ...

يا أستاذ ....

نفييييييييييسسسسسة


احم احم .. بلاش اشاعات ربنا يكرمكم يا رب لأان الواحد ان كان بيستحمل فى أول السنة ففى اخر السنة الواحد أعصابه بتبوظ لوحدها

سلاااااااااااااااام

و عليكم السلام

شكرا ليكى يا فندم على ردك المنظم

جزاكى الله خيرا

وجهة نظرك اتفهمت

انا مكنتش اقصد حد معين بصفة شخصية بكلامى

و مقصدش سوء النية فى نقل الاشاعات

ابدا ...كل واحد بيقى قاصد خير بجد


بس المشكلة انها ساعات بتجيب اثار عكسية

بلبلة جامده ...بالذات قبل الامتحانات و الجدول و المحاضرت و الكلام اللى كلنا عارفينه

وده ميمنعش ان فى ناس بتروج اشاعات لمجرد الهزار بس ... اعرف ناس كده

انا بس اللى بحاول التزم بيه و بحاول انى انشر الفكره دى

وهى ان لو خبر سمعته من حد .... لازم افضل وراه لغايه ما اعرفه مصدره

لو هو مش عارف اشوف جابوا منين ...قبل ما انشره و اقول ( الله اعلم بصحته )

فى الغالب و عن تجربه ( حتى فى خبر د/ محمود سالم قبل ما فرح تفتح التوبيك )
كلهم مش عارفين ...واحد نقلا عن واحد نقلا عن واحد

ما هو يا إما اول واحد خالص مقالش انه متأكد و المصدر منين

يا اما وقع فى النص

يا إما اصلا اشاعة


المهم انى متطوعش كده من نفسى و انشر خبر مش متأكد من صحته

ممكن لو حد سألنى ... انا سمعت كذا و كذا ده صح ؟

اقوله اه انا سمعت برضه بس حاولت اعرف مصدره و عرفت انهم مش متأكدين منه

فى الحالة دى بس... مش لكل حد اقوله سمعت كذا و كذا من الباب للطاق بما اننا اصحاب و عايز افيده


يمكن دى تكون بدايه كده للقضاء على الاشاعات

و يمكن تكون صعبه شوية

و يمكن تضر ناس فى الاول

بس لو عايزين فعلا حل ...يبقى لازم نبدأ

و خاصة ان دلوقتى الموبايل و النت بقوا يخلوا اى اشاعة تنتشر مثل النار فى الهشيم

عذرا على الاطالة