عمروديابو
6 Oct 2008, 08:33 PM
هاي يا جماعة انا في سنة رابعة اقتصاد عربي الفرعي ادارة التقدير جيد , كنت عايز اعرف عدد البورصات والبنوك والشركات اللي موجودة بالقاهرة و بتشغل خريجي اقتصاد ؟ولو في مجلات اخري تبقي زي ايه ؟! و يا ريت لو حد يعرف عناو ينهم وكيفية التقديم؟!
عشان خلاص كلها السنة دي
ملحوظة: عدد دفعة قسم اقتصاد عربي وانجلش حوالي 400تقريبا ....هل ممكن كلهم يتعينوا و اللا العدد ده كبير بالنسبة لجهات العمل المتاحة بالقاهرة والجيزة؟!!!!
ارجو الرد
doritos
6 Oct 2008, 08:46 PM
رد عليه يا استاذ سياكي عشان تعرف اني مش لوحدي!!
siaki
7 Oct 2008, 05:51 PM
السلام عليكم ورحمة الله وبركاته،،
خريج الإقتصاد ممكن يشتغل في ( البنوك - البورصة - شركات الأوراق المالية - شركات التمويل العقاري - شركات التأمين - مراكز الأبحاث الإقتصادية - شركات التأجير التمويلي - وزارة المالية - وزارة الإستثمار - وزارة التنمية الإقتصادية ....... وغيرها )
من الصعب أن أقوم بحصر كل الشركات و البنوك لأني أنا كل يوم باسمع إن في بنك جديد فتح أو شركة أوراق مالية
ممكن تعرف العناوين من الإنترنت أو من دليل التليفونات
بالنسبة للتقديم بتروح للفرع الرئيسي للبنك أو الشركة التي ترغب في العمل بها و بتقابل المسؤول في قسم الموارد البشرية وبتقدم ال C.V بتاعك وهما يبقى يتصلوا بيك لعمل مقابلة شخصية وبعدها لو في نصيب هيتصلوا بيك تاني لإكمال إجراءات التعيين
أما بالنسبة للمؤسسات الحكومية كوزارة الإستثمار ووزارة المالية بينزلوا إعلان في الجرايد لو في وظيفة متاحة
زي ما بتقول إن عدد دفعة إقتصاد 400 و مش ممكن كلهم يشتغلوا في لحظة واحدة بعد التخرج مباشرة
على سبيل المثال في ناس دفعة السنة اللى فاتت 2007 اشتغلت بعد ما إتخرجوا مباشرة و في ناس قعدت سنة كاملة ولسة متعينيين السنة دي 2008
المسألة مش مسألة عدد و فرص متاحة أكتر منها نصيب و قدر بس إنت إتعب و دور و خد كورسات و سيب الباقي على الله