الفكرة دي بسيطة لكن مش عارقة ان كانت هتعجبكم ولا لا

الموضوع
يعني كل واحد فينا ييجي يحكلنا عمل ايه في اليوه اللي احنا فيه
مثلا راح الجامعة ..الطريق كان عامل ازاي مواقف صادفته او شافها في المترو او في الشارع ...قابل مين ..ايه هي المحاضرات اللي حضرها في اليوم ده..
باختصار قضى يوم ازاي

اتمنى الموضوع يعجبكم
لو لا خلاص كانكم مشوفتوش حاجة ولا كاني كتبت حاجة اصلا

فكرة كويسة اوي

اهو الواحد يفضفض

اليوم النهاردة كان ممل جدا

ارخم حاجة القاعدة في البيت والصحيان بدري ومتلاقيش حاجة تعمليها

انا النهاردة صحيت الساعة 6و 45 د صليت الصبح فطرت نزلت الجامعة الساعة 8 وصلت ساعة 10
قابلت زميلاتي
نقلت الجدول فلقيت اني معنديش محاضرات الاثنين رجعت لبتنا

رحت الشغل مع والدى رجعت مدغدغ نمت

ايه الصورة الشخصيه العجيبه دى

ومالهاش علاقه بالكلام اللى تحتاه

او ليها علاقه وانا مش فاهمه...


=================
النهارده كان يوم مميز شويه..كان اجازة

مش نزلت الكليi طبعا....

ظبط ورقى ومكتبي..._دا اهم ما يميز اليوم _

نزلت علشان احضر خطوبه صحبتى..روحت البيت متاخر وماما زعقت لى...

وداخله انا اهو ان شاء الله

فكرة جميله اوى يا جيجى

يا قلب انتى بتقولى ارخم حاجه القاعده فى البيت ودا من يوم

انا اعده من الاحد اللى فات 28/9

خلاااااااااص زهقت

بيتهيالى نسيت شكل الشارع بتاعنا

اليوم لا جديد اجازة من الكليه

حد يشوفلى حل ياجماعة انا مش من القاهرة وساكن مدينة وانا داخل تانية مصرى والمدينة لسة هتفتح يوم 15 وعندى مواد رزله اعمل ايه حد يرود عليا فى المشكله دى؟

هو مافيش حد موجود ولا ايه؟

شوفى يا ( مش شكرا ) انتى لو من محافظه قريبه ممكن تروحى وتيجى كل يوم واستحملى الكام يوم

دول لان كان فى ناس معايا كانت بتعمل كده اما لو المكان بعيد فاستنى عندك ولما ترجعى خدى الحاجات

اللى فاتتك من حد موثوق منه وهتتعبى شويه فى الاول بس لسه السنه طويله

------------------------------------

اما عن يومى امبارح فكان يوم مستفز جدااااا

صحيت الصبح وفصلت صاحى صاحى صاحى وكنت على معاد مع واحد صاحبى اننا رايحين نعمل انترفيو فى مكتب طيران

ونزلنا الساعه 6.30 وروحنا لاقينا المكتب فاتح والمكتب دا فى مول

فقولنا نروح نسلم على واحد شغال هناك نعرفه فى السريع ونرجع تانى

وفى اقل من 3 دقايق خلصنا ورجعنا لاقينا المكتب قفل فكان موقف رخم ورزل وبجد خنقنى جدا المهم

اكتئبنا وطلعنا عالنيلقضينا بقيه اليوم فى صمت

شوفتي يا انستي بلا رحمة باين

سيبك من كل المحاضرات احضري بس الهيرو والرسم عشان هما دول اللي محتاجين فهم

ومها سمير برده لو تحبي

انما الباقي اصلا مش ليهم اي لازمة في الحياة

ابقي احضري عادي لو تحبي لما تسكني في المدينة

بس لازم تحضري الرسم مهم جداااااااااااااا

،،،،،،،

يومي النهاردة كان يقرف

نزلت من البيت الساعة 7 ونص واصلة الجامعة الساعة 11

وياريت كان في محاضرة ولا اي حاجة

ومرضيوش يدوني اذن لدفع المصاريف

روحت المتحف اخد الشهادة لقيت المدير مسافر

واخر اليوم بوظت الموبايل

يعني يوم كله كوارث من الاخر

حلوه اوى الفكره دى يا جيجى

انا بئى صحيت الساع 7وربع ووصلت الكليه الساعه 9 ونص المفروض ان معايا بنت من جيرانى واتنين صحباتها هاخدهم اوريهم الطريق والكليه وصلت اكليه لئيت المحاضره اتئجلت لحد 11 ومحدش من صحباتى جه خالص

طبعا فضلت مع البنات الضغيرين ولفيت معاهم على اقسامهم اعرفهم طريقها وفى الاخر مش رضيوا يحضروا

بعدين المحاضره بدئت 11 ونص كمان وكانت طويله جداااااااااا كانت 10 دقايق

والشمس كانت حاميه مووووووووووووووووووووووت

انا النهاردة صحيت الساعة 9ونص قضيت اليوم كله في البيت مروحتش الجامعة
وكمان كنت صايمة.

نمت كتير جدا جدا وصحيت رحت للدكتور ربطلى رجلى وبعد كدة فضلت مع والدى شوية ورجعت البيت

سلامتك يا مستر manas شفاك الله وعفاك

انا بقى كان يومى زفتين مش زفت واحد يا تعاوير

اصلا انا وتعاوير كنا رايحين الجامعه مع بعض الصبح وزى ما قالت نزلنا من البيت 7 ونص واصلين الجامعه 11 المواصلات كانت زفتتتتتتتتتتتتتتتتتتتت

وبعدها روحنا الجامعه طبعا المحاضرات كانت خلصت

وبعدها روحت الكورس بتاعى فى كوبرى القبه وطبعا مسافه من الجامعه والكورس كان من 3 العصر ل 7 العشا

وبالتالى رجعت بيتنا 8 ونص بالليل ومكنتش اكلت حاجه طول النهار


انا بموووووووووووووووووووووووووووووووووووووووووووووووووووووووووووووووووووت

المفروض نغير اسم التوبيك ونخليه مأسي
وكل دا ف الطريقه يارنا وانتي وقلب ليه يابناتيت رايحين السعوديه
المهم انا بقي ايامي كلها مش يومي مملين ورخمين
ولسه منزلتش الجامعه عشان حصلي بعض الظروف ف البيت بس زهقااااانه ع الاخر ونفسي انزل بقي
وكمان ماما مش ف البيت ووحشتني اووي

يعني هي جت علي الوقت اللي روحنا فيه

شوفي العذاب اللي اتعذبناه يا فليستي

،،،،،،،،

يومي النهاردة حصلش فيه اي حاجة غير اني اكلت قمر الدين

النهاردة كان عادي جدا

مفيش كليه النهارده ومقضيه اليوم فى البيت

مفيش جديد

ميرسي اوي







ربنا يجعل ايامك كلها سعادة في سعادة

عادي جدا زي النهاردة

حصلى موقف امبارح مكنتش اتوقعه

ادعولى كتير

ربنا يعين حضرتك يا منص

معملتش اي حاجة جديدة النهاردة

بس قريت كلام ضايقني اوي مكنتش اتمني انه يحصل خالص

وكمان شوية هكتب المحاضرة اللي اخدتها

ربنا يفك كربك يا منص

انا النهردة نزلت الكلية الساعة 8 وصلت الساعة 9ونص محضرتش المحاضرة اللي كانت عندي
عشان فضلت استنى دوري عشان ادفع مصاريف النقل بتاع الكلية
خلصت الساعة 2 وصلت بيتنا الساعة 4 اتغديت و نمت ..

ايه ده

انتوا فى المغرب عندكوا كليه يوم الجمعه

ولا انتوا عندكوا النهارده يوم ايه؟؟

ايوة يا قطقوطة عندنا جامعة يوم الجمعة
احنا بناخد الاجازة يوم الاحد بالنسبة للقطاع العام و السبت والاحد للقطاع الخاص

نعم
احنا اصلا هنا النظام عندنا تقريبا بنسبة 70 في المية شبه بتاع فرنسا

لا في صلاة احنا دوام الشغل عندنا من 8 ل 12 و من 2 ل 6ونص او 7 يعني في وقت للصلاة
وللي توقيتهم مش مناسب مسموح ليهم ياخدوا نص ساعة للصلاة

قاعدة زهقانة

ورايا 100 حاجة

والغريبة اني مش بعمل منهم اي حاجة خالص

مش هقول غير انى سعيد

سعيد جدا ان يبقى فى القسم متعين موظف جاهل

حقيقى مبسوط

عادي حاسة بملل والمزاكرة وحشاني

الحمد لله عملت حاجة من ال 100 اللي ورايا

شوفت ماتش المغرب و موريطانية واللي انتهى بفوز المغرب ب 4 اهداف
مقابل هدف لموريطانيا
الهدف الاول كان بواسطة العميد يوسف السفري
الهدف الثاني والثالث كانوا من النجم البطل يوووووووسف حجي
والهدف الرابع كان من نجم الرجاء البيضاوي مروان زمامة


ةبكدة المغرب تاهلت لاقصائيات كاس العالم

على فكرة المغرب و مصر في نفس المجموعة يعني احتمال كبيييير نتقابل في الاقصائيات

ايه فرحانه اوي كده ليه يا جيهان دي موريتانيا مش كوالا لامبور يعني

وبعدين انتي تقعدي تدعي ان المغرب متقابلش مصر عشان صدقيني انا خايف علي المغرب

اولا انا فرحااااااااانة لحاجات ثانية خالص اثبتها الماتش وخصوصا فيما يتعلق
باللاعب مروان زمامة

اسمع بقى الخبر الحلو اللي قالوا الكابتن اللي علق على المباراة

قااااااااال

انو الكابتن شحاتة قال في لقاء صحفي انو خايف ليقابل المنتخب المغربي
او التونسي

اااااااااه

على فكرة متنساش اني زي مابشجع المغرب بشجع مصر
ويكفي اوا اخويا معلق في البيت صورة بتجمعه مع الكابتن شحاتة و حبيبي ابو تريكة

اكيد الصوره متركبه وبعدين شحاته مين لما تيجي تتكلمي علي المنتخب المصري تساليني انا بلا شحاته بلا بتاع

متركبة
والله حرام عليك
ان بعض الظن اثم مش هقول اكثر من كدة

انا بهزر طب خلاص عشان خاطرك بس انا كنت موجود ساعتها لما اتصور مع ابو تريكه

ههههههههه
لا بجد هو في الوسط و شحاتة على اليمين و ابو تريكة على اليسار

انا بقي كنت راس الحربه ركزي في الصوره كويس هتشوفيني

روحت الجامعة في امانة الله قولت ادفع المصاريف

الخزانة ولا طابور الجمعية وطبعا مدفعتش

روحت المحاضرة عيني طلعت فيها

وبعده كان في محاضرة ارخم كرهتني في الجامعة

وبجد مش عايزة انزل ولا اشوف حد تاني

إقتباس(جروح قلب @ 12 Oct 2008, 06:39 PM)

روحت الجامعة في امانة الله قولت ادفع المصاريف

انتي لسة فموضوع المصاريف