السلام عيكم ورحمة الله وبركاته ,
ياجماعة انتوا اكتر ناس تقدر تفيدني في الموضوع ده لا نكم اتخرجتوا وعندكم خبرة فيما يتعلق بسوق العمل ومتطلباته

انا طالب بكلية سياسة واقتصاد قسم اقتصاد وعرفت ان مجلات العمل بتكون في البنوك والبورصات وشركات زي التأمين-الاوراق المالية -التمويل العقاري- التمويل التجاري-ومراكز البحوث الاقتصادية -و وزارة المالية والاستثمار والتنمية الاقتصادية

و سؤالي:ازاي اقدم في اي منهم؟ واعرف عناونينهم ازاي ؟ وهل عددهم كبير بحيث يكفي ان كل طلبة القسم يتعينوا بأذن الله ولا ايه؟؟
علي فكرة احنا عددنا مش كتير حوالي 400طالب وطالبة قسم اقتصاد!!!

ارجو سرعة الرد

للاسف احنا مش فى سياسه واقتصاد
لكن ممكن تروح ساحه سياسه اكيد هما هيعرفوا اكتر
للاسف عندنا عجز فى الخرجين هنا

اهلا بيك معانا

هو فيه طرق متعارف عليها فى التقديم

زي مثلا انك تبعت ال cv على ايميل قسم التوظيف فى البنك او الشركة

او انك تجيب الوسيط وتشوف الشركات طالبة ايه وتتصل بيهم

او انك تروح بنفسك وتسيب ال cv فى اكبر عدد ممكن من الشركات


كان فيه هدية من اختنا ارجوانا

الهدية عبارة عن مجموعة كبيرة من الايميلات ومواقع التوظيف

هدور عليها واجيبهالك

طيب انا اعرف معلومات غير دقيقة في المجالات دي لانها غير مجالي وعرفتها بدافع الفضول




بالنسبة للوزارات بيعتمد بشكل كبير علي المؤهل والتقدير والتخصص واحيانا اختبار للالتحاق بوظيفة مؤثرة في الوزارة

وبالنسبة للبورصة شركات الوساطة المالية منتشرة في كل المحافظات بس القاهرة فيها اكبر الشركات والعناوين تقدر تشوفها في المواقع الرسمية للشركات

دي شركة هيرميس للوساطة المالية وموقعها

https://www.hermesonline.com/OTS/ar/default.aspx

نايل وان بروكرز للوساطة المالية

http://www.nileonebrokers.com/indexARA.php

وفي غيرهم كتير تقدر تدور عليهم في جوجل وتعرف اكتر في المجال ده لان مصر فيها اكتر من 100 شركة للوساطة المالية
وبطبيعة عملهم بيحتاجوا لخبراء في الاقتصاد والتحليل الفني والمالي عشان يحلل الاسهم واداء السوق وكل شركة منهم بتتنافس في الخبراء والموظفين عشان تحصل علي اعلي مصداقية

واسال اكتر ناس كبيرة في كليتك لانهم ادري الناس بالتخصصات دي