الحلقة الأولي: لماذا نريد أن يتمثل الإسلام داخل بيوتنا ؟؟, سلسلة الاسلام داخل بيوتنا ..الجوهر قبل المظهر خيارات

[شقلبان]

السلام عليكــم ورحمـة الله وبركاتــة ،،

اخواني واخواتي ...

كي تعرفوا ما هي هذه السلسة التي نبدأها سويا ان شاء الله لابد ان تقرءوا[ هذا الموضوع

بســم الله الـرحمــن الرحيــم

ليه يا شباب ؟؟

ليه احنا أصلا عاوزين الاسلام يبقي موجود داخل بيتنا بجوهره ...؟؟؟ ليه عاوزينه يبقي مترسخ في اهلنا ؟؟

ساعات كتير ...بنشوف أهلنا بيعملوا حاجات غلط وبنبقي زعلانين جدا .....طب عاوزين نفكر ....وليه احنا عاوزينهم يتيغيروا ؟؟؟

ساعات كتير ....بيبقي عندنا معلومات كتير ...وبنبقي خايفين نقولها لاهلنا بصيغة مباشرة ....عشان هم مش متعودين مننا اننا نعمل فيها شيوخ ونقعد ننصحهم في الدين ونتلكم معاهم ؟؟؟


الحلقة دي يا شباب زي بداية ...أو نوايا ....او تحديد للهف من دعوة الاهل ....والهدف من ترسيخ جوهر الاسلام داخل بيوتنا ؟؟؟

والحلقات القادمة ان شاء الله سنفوص في التفاصيل .....

أولا : نوايانا من دعوة الاهل ؟؟؟؟


مجال النوايا مفتوح وممكن تفكر في مليون ألف نية للموضوع ده

لكن مجرد هحاول بس افكرك بشوية حاجات اكيد في حاجات كتير غيرها :



1- عاوز تبقي خير المسلمين ....عاوز يعني تبقي من أفضل الناس ؟؟

الرسول صلي الله عليه وسلم بيقول "خيركم خيركم لاهله ....وأنا خيركم لأهلي " ......يعني من الاخر اهلك اولي بكل شئ

اولي بنصيحتك ...اولي بحبك ....ليهم الاولوية في حاجات كتير اوي .....وساعاتك بقي رايح تنصح زمايلك وسايب أهلك ؟؟!!!!.....اكيد مش منطقي


2-نية تأسيس بيت مسلم علي تقوي من الله ورضوانه وكسب الحسنات

ربنا سبحانه وتعلي بيقول في كتابه الكريم

{أفمن أسس بنيانه على تقوى من الله ورضوان خير أم من أسس بنيانه على شفا جرف هار فانهار به في نار جهنم والله لا يهدي القوم الظالمين}
[التوبة: 109].

وتخيل بقي لو انت نجحت في تكوين البيت ده

قراءة القرآن اللي هتقرأ فيه ....الالتزام بغض البصر اللي هيحصل واهلك بيشاهدوا التليفزيون مثلا.....الصلوات اللي اهلك هينتظموا فيها .....الحجاب اللي بنات خالاتك هيلبسوه بسبب تأثيرك فيهم وفي اباءهم

كل ده في ميزان حسناتك
بجد مش هزار يا شباب والله

كل ده بالمللي وبالزبط ...لأ لأ مش بالمللي ومش بالزبط ...ده ربنا ممكن يضاعفلك اضعاف كثيرة ده الحسنة بعشر امثالها وربنا بيضعاف لمن يشاء

يقول الرسول صلي الله عليه وسلم " من سن سنة حسنة فله أجره وأجر من عمل بها لا ينقص ذلك من أجورهم شيئا "

يعني ممكن في يوم بدل ما تصلي العشاء مرة واحدة ....تصليها 4 ولا 5 مرات

لان في ناس منوش بيصلوا ...وانت خليتهم يصلو .....


اقوللك حاجة تانية ....ممكن تبقي انت نايم اصلا وعمال تاخد حسنات ....لان اخوك كان في مكان تاني مثلا بيصلي ...وانت اصلا اللي كنت نصحته بالانتظام في الصلاة او باي نصيحة أخري


اوعي تستهتر بالثواب ...محدش عارف كل واحد فينا هيبقي عامل ازاي يوم القيامة ...ويا تري كافة الحسنات هتبقي محتاجة قد ايه عشان ترجح !!!!

ثانيا ... شوية كلام كده علي بعضه ...

1- ا
نت متخيل نفسك يوم القيامة لو ربنا من عليك بالجنة !!

وأهلك لأ .....

تخيل وأهلك متشعلقين في رجليك ....بيقوللك يا محمد او يا احمد او يا محمود او يا هدي او يا مروة .....ليه سيتونا ندخل النار ؟؟؟

ليه لما عرفتوا الخير ده كله ..منصحتوناش وماخدتوش بايدينا

متخيل الحسرة بتاعتهم ساعتها ممكن تكون ايه ؟؟؟.................تخيل حسرتك انت وندمك ممكن يكون ايه ؟؟


شوف انت بتحب والدك ول والدلتك اوي ازاي في الدنيا

شوف لما والدك بيبقي عيان مثلا ولا والدتك بتبقي خايف عليهم ازاي

طب سؤال ....متحبش يبقوا معاك في الجنة ؟؟؟؟ طب متحبش اخوك واختك وولاد خالاتك وولاد اعمامك يبقوا معاك في الجنة ؟؟؟

طب ساكت ليه !!!



2-بتحلم بالثبات ؟؟؟ نفسك ربنا يثبتك ؟؟؟

طيب ما تاخد بالأسباب

هحكيلك مثالين

مثال واحد ... شاب بيحاول يلتزم ....واول ما بيخرج مع المتدينين ايمانياته بترتفع .......لكن اول ما بيرجع بيته بيخرج عن الجو ده ...مبيلاقيش اللي يحمسه ...مبيلاقيش اللي ياخد بايده ....مبيلاقيش اللي يصحيه لفجر لو راحت عليه نومة

مثال اتنين ....شاب بيحاول يلتزم ...بيروح البيت ...بيحكي لاهله محاولاته في الاتزام ..وبيحاول يخليهم هم كمان يحاولوا معاه ...وهاله فعلا بدأوا يساعدوه ...وبقي لما بيخرج مع اصحابه المتدينين ايمانياته بترتفع جدا ....ولما بيرجع بيلاقي اهله مستنيينه وبيساعدوه وبيشجعوه ....والسببب

انه فتح معاهم فناة حوار ...قناة تفاهم ...قناة نصيحة رفيقة ...قناة دعوة



3-انت مش بتمن علي اهلك بالنصيحة

دي واجبة عليك .... وفرض عليك لما تشوف حاجة غلط بتحصل ادامك انت تقدم النصيحة ومتبخلش فيها
طفاوعي تكون فاكر ان الموضوع مجرد احسان منك او تكرم زائد

اسمع بقي وتأمل

كلام منقول رااائع عن دعوة الاهل ...ركزوا الله يكرمكم

1-

إن الدعوة قبل أن تكون رسالة "كلامية" في لحظات من أجل التأثير وتبليغ النور إلى القلوب، هي سلوك يومي وأخلاق ملموسة، هي حال مصاحب لكل الجوارح؛ إذ أنت تدعو بكُلِّيتك لا بلسانك فحسب. وإن الدعوة قبل أن تتوجه إلى الأغيار والآخرين فهي رسالة إلى من هم أولى الناس بالمعروف، أهل بيتك أولاً.

فقد صدق من قال: "إذا أردت أن تكون زوجك على منوال أمنا خديجة، فكن على منهاج سيدنا محمد صلى الله عليه وسلم"، عندها، وعندها فقط، ستكون سندك الأول رافعة شعار: "كلا، والله ما يخزيك الله أبدًا

وقس علي ذلك باقي أفراد الاسرة ....



2-


وصانا حبيبنا المصطفى صلى الله عليه وسلم بأن ننطلق في إشاعة خير الإسلام ونور الإيمان من أقرب الناس وأحبهم، بل جعل مقياس هذه الخيرية في مدى ملامستها للأهل. فقال عليه الصلاة والسلام: "خيركم خيركم لأهله وأنا خيركم لأهلي"



3-

إن الخيرية للأهل تبدأ من أعلى الأمور، وهو المصير عند المولى جل وعلا، ودرجة القرب منه سبحانه، والانخراط في مشروع بناء نهضة المسلمين وانبعاث أمة الإسلام، مع ما يستتبع ذلك من تعاون على الخير وأمر بالمعروف ونهي عن المنكر، لتنتهي عند الجزئيات الصغيرة في الحياة الأسرية
.


4-

قال عليه أفضل الصلاة وأزكى التسليم: "رحم الله رجلاً قام من الليل فصلّى وأيقظ امرأته، فإن أبت نضح في وجهها الماء، ورحم الله امرأة قامت من الليل وصلت وأيقظت زوجها فإن أبى نضحت في وجهه الماء"(3).

هي مسئولية مشتركة أن يحرص كل طرف على الدفع بصاحبه لينهل من مورد الإيمان ويحضر مواسم الخير




5-

يقول الدكتور محمد محمود منصور عن دعوة الاهل


وهي "منسية" من الداعي غالبا لخطأ في فهمه، إذ هو قد يعتبر الدعوة إلى الله وإلى إسلامه لا تكون إلا في المسجد فقط، وعن طريق الخطب والدروس والمواعظ فحسب.

وهي "مهملة" غالبا منه، إما لظنه بعدم جدواها، إذ هو لن يؤثر فيهم، أو هم قد اعتادوا عليه، وهو يعلم - بحكم موروثه القديم - المثل القائل: "زامر الحي لا يُطرِب"،
سواء أكان صوابا أو خطأ، وإما لتوتر العلاقات فيما بينه وبينهم لخلافات أسرية عائلية، والتي يعتبرها عادية بين كل الأسر والعائلات، وإما لكونه كان بعيدا عن دينه من قبل وكانوا يعلمون خلقه السيئ السابق، فهم فاقدون للثقة فيه، وإما لصغر سنه بالنسبة لهم، فيصعب عليه توجيه من هو أكبر منه سنا ومقاما، أو نحو ذلك من الأسباب التي تُقعد الداعي عن دعوة أهله.

والدعوة العائلية لها أولويةة؛ لأن الله تعالى يقول: (وأنذر عشيرتك الأقربين)، ويقول: (اعبدوا الله ولا تشركوا به شيئا وبالوالدين إحسانا وبذي القربى واليتامى والمساكين والجار ذي القربى والجار الجنب والصاحب بالجنب وابن السبيل).

وهي أمر يستطيعه كل من أراد أن يدعوا، فالاستطاعة متوفرة، بل مؤكدة، لأن الداعي لا يبذل جهدا كبيرا، فهو لا ينتقل مثلا من مكان لآخر، فالذين يدعوهم
موجودين بصورة طبيعية "إجبارية" حوله، بل في بيته، ومتعايشين معه لفترات تطول أو تقصر، ولا يبذل مشقة في التعرف عليهم أو التمهيد للحديث أو التعامل معهم، لأنه سيقابلهم كلهم أو بعضهم بقصد أو بغير قصد على الأقل مرة يوميا أو حتى يوما بعد يوم في أصعب الأحوال، فكل الأجواء مهيّئة، بل أحيانا لا يبذل حتى وقتا؛ لأنه قد يستخدم مثلا إفشاء السلام لتوصيل بعض أخلاقيات الإسلام سريعا.

وهي تدريب للداعي على دعوة الآخرين خارج البيت، فإذا كان ناجحا معهم فسينجح غالبا مع جيرانه وبقية أقاربه وأنسابه وزملائه، لأنه بدعوة أهله سيكتسب الخبرة والثقة، وسيساعدونه ولا يعوقونه، أما إن فشل معهم وهو الذي جزء منهم وهم جزء منه، فإن فرص نجاحه مع غيرهم أقل، وسيكون أول ما يصدمه أقوال الآخرين علنا أو سرا: كيف تدعونا ولم تدع أهلك بعد؟! أصلحهم قبل أن تصلحنا! أتعالجون غيركم وأنتم الذين تحتاجون إلى علاج؟! أتطفئ نيران الآخرين والنار في بيتك؟!.

وهي دعوة "مهمة مؤثرة"؛ لأن جهودها قليلة ونتائجها كبيرة، فالداعي مع المدعوين الآخرين يستغرق جهودا تحضيرية كثيرة من أجل التعرف عليهم وتعرفهم عليه وثقتهم فيه وحبهم له وإعداد مداخل للحديث أو للتعامل معهم، ويبذل في ذلك جهودا مالية وصحية ووقتية وذهنية وغيرها، أما مع أسرته والأقارب والأنساب، وأيضا الجيران وزملاء عمله ودراسته، فكل هذه الخطوات قبل دعوتهم قد اختصرت، إذ التعارف قائم، بل وثيق، والحب الفطري موجود وغالبا ما يكون في ازدياد، وصور التعامل طبيعية وكثيرة من خلال ظروف حياتهم التي تجمعهم والتي من السهل توصيل أخلاقيات الإسلام بما يناسب في كل موقف من مواقفها، ثم الداعي من المفترض أنه معروف وموثوق فيه لديهم من سابق التعامل معه وكونه قدوة في تعاملاته، ومن المفترض أنه يعرف صفاتهم وظروفهم الاجتماعية والاقتصادية ومشكلاتهم وما يفرحهم وما يحزنهم ونحو ذلك مما يمهد لحسن دعوتهم.




مصادر الحلقة الأولي المستعان بها :
1-كتاب السلوك الاجتماعي في الاسلام للشيخ حسن أيوب
2-موقع اسلام اون لاين
3-خطب الدعاة واهل العلم المسموعة



الحلقات القادمة :

2-بمن نبدأ ؟؟
تشمل :
هل نبدأ بانفسنا
ام نبدأ بنصيحة الاهل مباشرة
ام نسير بالتوازي
ام نبدأ بانفسنا لفترة ثم ننصح اهلنا بعدها


3- كيف نبدأ ؟؟

تشمل :

المشاكل التي تخالف الاسلام في البيت اشكال وانواع ...فبأيها نبدأ ...بالصعب ام بالسهل ؟وما هي خطتنا المرحلية ؟
طرق واشكال النصيحة للاهل بين الجمود والابتكار بين الذوق والهمجية بين الذكاء والتسرع
-نظرتنا للاخر اثناء نصيحته


4-عوائق في طريق الهدف :

تشمل :
كيف نفيق من الفتور سريعا
اذا تركت عجلة القيادة للحظة بسيطة فسيضيع كل شئ
النية لا تفارقنا
ضياع عامل الانجذاب والانبهار من الاهل مع الوقت
التساهل مرة سيتبعه تساهلات كثيرة


5-5-مواقف وتجارب

تشمل :
قصص انتوا اللي هتحكوها من واقع تجاربكم وقصص من اي حتة تانية كامثلة نتعلم منها او نتناصح في كيفية حلها او نتدارسها




منتظر تعليقاتكم

تم تحرير المشاركة بواسطة عبد المتين: 1 سبتمبر 2008, 03:59 م

[حـيـاهـ]

SALAMO ALICOOOOOOOOOOOOOOOOOOOO



مجهوووووووود رائع اخانا

جزيت به كل الخير وربنا يجعله فى ميزان حسناتك يافاندم

________________________________

تاثرت اوى بالجمله دى

فقد صدق من قال: "إذا أردت أن تكون زوجك على منوال أمنا خديجة، فكن على منهاج سيدنا محمد صلى الله عليه وسلم"، عندها، وعندها فقط، ستكون سندك الأول رافعة شعار: "كلا، والله ما يخزيك الله أبدًا

وقس علي ذلك باقي أفراد الاسرة ....

فعلا على قد الهدف بتكون الهمه

وعلى اد البدء فى اصلاح النفس بتكون النتيجه فى اصلاح الاخرين

[مِنّةُ الله]

ممتازة جداً ما شاء الله ..

مممم .. فيه نقطة حابة اقولها

ان المشكلة احيانا تكون في الاهل نفسهم

يعني يكون الخال او ابن العم او ابن الخالة او او حدثت له مصائب الدنيا و لم يتوب

ناس ماتوا امام عينه من اقرب الناس اليه .. افتقر .. و رجع اغتنى و و و

و مع ذلك لا يوجد شكر و و الله الحال اقرب الى الكفر بنعمة الله

و فوق كل هذا تاخذه العزة بالاثم

و يتكبر ان يتوب على يد فلان فياخذ هذا الفلان ثوابه ..

هذا واقع يا دكتور و ليس كلام

فممكن تقول لي ما هو الحل مع شخص كهذا ..

ما الحل مع ام تشتري لبناتها المحجبات الملابس الضيقة و هي ترتدي الملابس الواسعة

ممم هناك نوعيات كثيرة من المشاكل ..

نفسي حضرتك تتكلم في امثلة ..

و جزاك الله خيراً

[شقلبان]

جزاكم الله خيرا

وبالفعل اعتقد ان المجال سيكون مفتوح امام القصص والتجارب وبعض الحالات المعينة خاصة في الحلقة الرابعة والخامسة

الا اذا احببتم ان نتكلم فيها الان او ان نغير من ترتيب الحلقات

[مِنّةُ الله]

لا بالعكس التسلسل جميل و منطقي ..

نكمل هكذا على بركة الله

[الروسى]

نكمل كدا


بس يعنى يادكتور ممكن تقصر المشاركه شويا

مش علشانى والله علشان فى ناس كتير مش هاتقره الكلام


وانا كان عندى اسئله بس مستنى لما تكمل حضرتك الحلقات

يمكن الااقى الحلول فى الحلقات القادمه

استمر جزاك الله خير

[~ Diamond ~]

السلام عليكم ورحمه الله وبركاته ،،

موضوع جميل جدا دكتور عبد المتين
جزاك الله خيرا وجعله فى ميزان حسناتك ان شاء الله
ومنتظرين من حضرتك باقى الحلقات ... وياريت بعدهاا نناقش
النقطه الى اتكلمت فيهاا اختنا روعه

تقبل مرورى ...

[حـيـاهـ]

بس يعنى يادكتور ممكن تقصر المشاركه شويا

مش علشانى والله علشان فى ناس كتير مش هاتقره الكلام

اها ياريت يادكتور

مش عشان مش تقراها بس عشان نتمعن فى الكلمات

[مِنّةُ الله]

ها دكتورنا .. فين حضرتك

معلش استحمل ضعف نشاط رياض الجنة

بس على فكرة كده الموضوع ناجح جدا

حضرتك تابعنا .. موضوع زي ده كفيل انه يقوم رياض الجنة من تاني