 الباشـــا عكاشـــة, حوديات |
|
|
|
|
 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
  |
| الباشـــا عكاشـــة, حوديات |
 3 يونيو 2007, 05:42 م
مشاركة
#1
|
|
|
السلام عليكم
/ / عكاشــة عكاشة ده أخونا .. أخونا في الله .. و أحيانا في العروبة .. أحيانا أبونا و أحيانا جوز الولية روحية الأروبة و " الباشــا عكاشــة " حودياته .. مش حواديته .. و لا حكايته .. دي حودياته او .. حودااااته .. حوداته عن الخط الدغري .. المضبوط حوداته الي لما نحودها انا و انت و هوا و غيرنا و غيرنا الدنيا تهيص .. و تبوظ حوديات " الباشــا عكاشــة " حوديات بني ادم .. مصري جدا .. أحيانا هيطلع ضابط .. ممكن في الحلقة اللي بعدها علطول يطلع بواب الحاجة الوحيدة المشتركة في كل الحلقات ان عكاشة .. مهما كانت شغلته في الدنيا فهو عايش دور الباشا و كل حلقة .. عكاشة شخصية جديدة بتحكي في حوداية جديدة .. حوداية نفسنا نعدلها في " الباشا عكاشة " / / روعهـ --------------------  لعل البعض لا يجد أهمية كبيرة في تعريف “المصطلحات” المتعلقة بالأقصى أو يعتبر أن للأقصى ما هو أهم وأخطر من الإلتفاف في معرفة وتعريف المسلمين بماهية الأقصى.. لكنه لا يدرك أن اليهود قد استغلوا هذه النقطة خير استغلال… فلكون كثير من المسلمين يظنون أن المسجد الأقصى هو الجامع القبلي فقط، فكثير من اعتداءات اليهود تكون بعيدة نسبيا عن الجامع القبلي، فيعيثون فسادا ودمارا وتدنيسا في ساحاته ومدارسه وأبوابه ووو.. ثم يقولون أمام وسائل الاعلام بأنهم لم يقتربوا من الأقصى (الذي يفهمه كثير من المسلمين على أنه الجامع القبلي).. والمفاجأة تكون بأن يصدقهم المسلمون ولا يتحرك أحد ولا يعترض أحد!!!! عن مدونة سرايا الدعوة |
|
 |
 
 
|
|
3 يونيو 2007, 05:53 م
مشاركة
#2
|
|
|
منتظرين
--------------------  It's pretty quiet here |
|
|
|
|
|
3 يونيو 2007, 05:57 م
مشاركة
#3
|
|
|
السلام عليكم
جميل اوى عمو عكاشه ده ياله مستنين حواديته اللى اكيد هتكون جامده باسلوب سهل وفظيع نوصل الفكرة ببساطه من غير تقعيد (عامله سجع)اشمعنه الباشا عاكاشه ربنا يكرمك بجد ويغير بيكى الامه غاليتى روعه -------------------- امتى تبدا معى اصلاح نفسى
نفسى تبدا مع تهذيب نشائى نشائى ياتى ليحرر قدسى |
|
|
|
|
|
3 يونيو 2007, 05:58 م
مشاركة
#4
|
|
|
مستنينك يا عكاشة .... قصدى يا روعهـ
ههههههههههههه -------------------- |
|
|
|
|
|
3 يونيو 2007, 06:11 م
مشاركة
#5
|
|
|
الحلقة الأولى
" العروسة للعريس .. و الجري للمتاعيس " / / " بت يا أمل " " إيه ده إنتي جيتي إمته " " لسه داخلة أهو .. اسكتي .. اسكتي عللي حصل انهردة  " أمل لم تهتم بالقدر الكافي بعد .. مازالت تقلب صفحات المجلة تنظر اليها مرة .. و في صور المجلة مرة أخرى تغلق " فريدة " باب الغرفة .. تلقي بحقيبة يدها و تتحدث بحواسها الخمس و هي تروي لأختها ما حدث " شفت انهردة البت اللي أخوكي عكاشة عايز يتقدملها " تغلق أمل المجلة بسرعة .. تتسع عيناها .. " ايه ده فين فين  " " في الشغل " " و هما ايه اللي جابهوم عندك " " مش هما اللي جم .. أنا اللي رحت اخلص الورق من الوزارة انهردة .. فقابلت اخوكي طبعا و هيا معدية فراح جايبها اتعرف عليها يعني " " و شكلها ايه بقى " " عادية .. عايزة اقولك انا مجرد ما سبتهم و خرجت .. فطست على نفسي من الضحك  .. يالــــهوي مش ممكن .. ايه ده " " يا بنتي حرام عليكي بطلي تتريقي عالناس ![36_1_6[1].gif](style_emoticons/default/36_1_6[1].gif) " " و الله ما تريقة .. بس أصلها واخدة في اخوكي مقلب جامد اوي " " ليه يعني مالو عكاشة .. ماهو زي الفل اهو " " فل ..  .. بعد الشر عالفل يختي " " طب خليكي في نفسك بقى و شوفي سي عمرو اللي اخته كل شوية تتصل  " تتغير ملامح وجه فريدة الى خليط من السعادة .. الترقب .. الخجل .. و تقول " اي ده مها اتصلت  " تجيبها أمل .. في اثناء خروجها إلى غرفة الجلوس .. و دونما اهتمام .. " مرتين ![36_1_22[1].gif](style_emoticons/default/36_1_22[1].gif) " خلفها بسرعة .. تتبعها فريدة .. تبدي لطفا و ذوقا .. و تسال " انتي اللي رديتي عليها  " تدخل " أم عكاشة " .. و تتعمد أمل إجابة السؤال .. بصوت عالي .. كأنها تريد أن تسمع الام " انا رديت مرة و ماما ردت المرة التانية " تتدخل الام .. " مين دي أخت الواد اللي واقف في محل الهدوم  " تكتم فريدة انفعالها .. تنظر لامل منتظرة اجابتها .. و تجيب امل دونما ان تنظر لاحدهما " اه " التفت الام لفريدة .. " احنا مش قلنا مش عايزين عمرو ده .. بتتصل اخته ليه عايزة منك ايه " تجيب فريدة بانفعال " انتو قلتو انكو مش عايزينو .. انا مقلتش  " " ليه و انتي هتتجوزي غصب عننا و لا ايه  " " ماما ماما .. الله يكرمك انا و لا قلت غصب عنكو و لا برضاكو .. انا كل اللي قلته ان انا مقلتش اني مش عايزاه .. و افتكر انا اللي هتجوزو مش انتو " " كمان .. كمان علي صوتك عليا كمان  " تمسك فريدة رأسها .. أمل تنظر للارض في خجل .. تشعر انها من خلق هذا الموقف الان .. و الام تستطرد " ايه يختي .. خلاص كلامي تاعبك اوي .. " " ماما انا بجد مش فاهمة انتو واخدين موق منو ليه .. لا حد شافو و لا سال عليه و لا اي .. " تقاطعها الام " عشان فقران و كحيان و ممعهوش حاجة .. مش هرمي بنتي انا الرمية دي " " يعني عكاشة اللي معاه .. مهو ممعهوش اهو و هتروحي تخطبيله .. ماللي مترضهوش على بنتك مترضهوش على بنات الناس " " لا يا حبيبتي .. معلش .. عكاشة موظف .. عندو شغلتو و مرتبو .. يوم ما تحصل مشكلة اوي .. اخره جواب لفت نظر .. انما البيه بتاعك ده .. في اي لحظة يتشاط تعدي انتي و هوا على باب الله و تبقي انتي اللي بتصرفي و لا تيجي تقولي و النبي يا ماما و النبي يا بابا .. مش عيشة دي ياحبيتي " " عمرو مش بتاع كده يا ماما " " يا شيخة اتلهي .. هوا ده يلاقي تمن الجاتو و لا التورتة الي يخش بها لما تقوليلي يتجوز .. قال عكاشة قال .. ده سيد سيده .. " " سيد سيده اه .. الموظف ابو مرتب الي بيضربو في السجاير و ابوه يصرف عليه " " على الاقل بيشتغل شغلانة محترمة .. مش بياع .. و متتكلميش على اخوكي كده " " و انتي برضو متتكلميش على عمرو كده " تنطق أمل منذ بداية الحوار .. في محاولة منها لتهدئة الموقف .. فهي تعرف ان عصبية فريدة قد تجعل الموقف يتطور اكثر من ذلك " فريدة ممكن ندخل جوه  " " اعدي ساكتة انتي .. متعمليليش فيها بتهدي و انتي سبب المشكلة اساسا " تجيب الام دفاعا عن امل " لا يختي مش هيا سبب المشكلة .. سبب المشكلة هبلك و عبطك يا عبيطة "لحظة صمت .. تتركهم فريدة الى الغرفة .. و بعنف تغلق باب الغرفة .. الام لامل " بصي هتكسر الباب " " خلاص بقى يا ماما هدي نفسك هيا بس عشان متنرفزة " لحظات صمت .. يقطعها صوت مفتاح عكاشة .. الذي وصل للتو من عمله " اهلا اهلا ازيك ياحبيبي " .. ترحب به الام و كانما مشكلة لم تحدث فتكفيها طلة عكش لتنسى كل ما يمكن ان يحدث في حنان تقول " اقلع الجزمة عالباب و النبي " يتجاهل طلبها .. متوجها اليهم بحذائه .. تصرخ الام " السجااااااااااااااااد " " خلاص بقى يا ست يعني ايه اللي هيجرالو " فين فريدة امال .. " في اوضتها " اجابته الامتوجه اليها مسرعا .. يريد ان يعرف رايها في العروسة يطرق الباب " و هو في العادة يركله بقدمه ليفتحه " .. يطل براسه مصطنعا اللطف " ادخل " لم تعره فريدة اهتماما يذكر .. فهو في نظرها الند و الخصم الذي يربح دونما معركة سالها .. " ها ايه رايك " لم تجبه .. قاطعتهم امل " يلا الغدا " سالتها فريدة متجاهلة اخيها " مش هنستنى الحاج ؟ " " لا بابا هيتاخر انهردة " تركهم عكاشة .. مستاء من تصرفات فريدة .. التي تبدو بلا معنى و على مائدة الغداء .. الام تقطع الصينية .. تسال عكاشة .. " احطلك من انهي حتة " و كانها ليست صينية واحدة لها نفس الطعم ! استكمالا للمشهد يختار عكاشة .. فريدة تطرق باصابعها على الطاولة .. تحاول ان تحافظ على صمتها امل تنظر للثلاثة .. و تضحك  يعنفها عكاشة " بتضحكي على ايه "" لا ابدا " " هاتي طبقك يابت " .. قالت الام لامل .. و ضعت لها قطعة .. و ضعت لنفسها و لم تلق بالا لفريدة .. تركت فريدة المائدة في انفعال .. متجهه الى غرفتها نادتها الام في لهجة تحدي " تعالي اعملي لاخوكي الشاي يا ست فريدة " " يعمل لنفسو لا ايديه مقطوعه و لا احول و لا اعمى " في عصية تعيد الام " تعالي .. اعملي .. الشاي لاخوكي " " مش هعمل يا ماما " عكاشة يضع ساقا على ساق .. يغمز لوالدته .. و تكمل هي .. " مفهاش حاجة لما تعملي لاخوكي كباية شاي يا ست الابلة " " و مفهاش حاجة لما انضفلو اوضتو .. و لما اغسلو هدومو و لما انزل اجبلو كنز عشان الباشا مكسل .. كل حاجة هنا عشان راحة الباشا .. و احنا .. خدامين .. اللي يتقالنا ننفذو و مش من حقنا ننطق " اتجهت نحوها امل بسرعة " بصي متكبريش الموضوع دي كباية شاي اعمليها و مش لازم تطلعيهالو .. قوليلو هوا يروح ياخدها " " لا يا امل لا لا لا  .. انا زهقت بقى من القرف ده  "" معلش .. عدي الليلة " تتركها متجهة للمطبخ .. تعد الشاي .. و تركته كما اقنعتها امل و قالت " الشاي عالرخامة " " هاتيه هنا " قال عكاشة .. و نظرت اليها الام مكررة " هاتي الشاي لاخوكي " نظرت فريدة لامل .. غمزتها امل " معلش معلش " اخرجت فريدة الشاي .. في انفعال وضعته على الطاولة .. اسرع اليه عكاشة .. و قبل ان يستشعر طعمه قال " ماسخ زي اللي عملته " / / انتهت ،، " في انتظار ارائكم في المواضيع التي طرحتها هذه الحلقة " روعهـ تم تحرير المشاركة بواسطة روعهـ: 3 يونيو 2007, 06:13 م |
|
|
|
|
|
3 يونيو 2007, 06:21 م
مشاركة
#6
|
|
|
لأ
كده مش هينفع مش هينفع الشغل ده و الامتحانات شغالة عايزين نركز يا جدعان --------------------  |
|
|
|
|
|
3 يونيو 2007, 06:22 م
مشاركة
#7
|
|
|
طيب و بعدين
لازم أمسك نفسي و مش هاقرأ لحد أما أخلص بعد أسبوع |
|
|
|
|
|
3 يونيو 2007, 06:24 م
مشاركة
#8
|
|
|
حسابك معايا بعدين يا روعة
يا بنتي أنا عندي امتحان بعد بكره بس المقدمة بجد جامدة جدا استني بقى أما أفضى وأقرا القصة الأولى
-------------------- هذي بلاد لم تعد كبلادي كم عشت أسأل: أين وجه بلادي أين النخيل وأيـن دفء الــوادي لاشيء يبدو في السمـــاء أمـامنـا غير الظـلام وصــورة الجــلاد هو لا يغيب عن العيــــون كأنــــه قدر.. كيوم البعــث والميــــلاد قـد عشت أصـرخ بينـكـم وأنــادي أبني قـصورا من تـلال رمـــاد أهفــو لأرض لا تـســــاوم فـرحتـــي لا تـستبيح كـرامتي.. وعنــادي أشتــاق أطـفــالا كـحبــات النـــــدي يتـراقصون مـع الصباح النـادي أهـــفـــــو لأيــام تــواري سحــرهــا صخب الجـياد.. وفرحة الأعياد اشتـقـــــت يومـا أن تـعـــود بـــــلادي غابت وغبنـا.. وانـتهت ببعادي في كـل نجــم ضــل حلـم ضائــــــع وسحابــة لـبســت ثيـــاب حداد وعلـي الـمدي أسـراب طـيــر راحــــل نـسي الغناء فصار سـرب جراد هذي بلاد تـاجـــرت فـــي عرضهـــــا وتـفــرقـت شيعا بـكــــل مـــزاد لم يبق من صخب الجياد سوي الأسي تاريخ هذي الأرض بعض جياد في كـل ركـن من ربــــوع بــــــلادي تـبدو أمامي صـورة الجـلاد لـمحوه من زمن يضاجع أرضهـــا حملـت سفـاحا فـاستباح الـوادي |
|
|
|
|
|
3 يونيو 2007, 06:26 م
مشاركة
#9
|
|
|
ايه ده انتو رديتو امته
ماشاء الله عليكو يعني  اقتباس منتظرين نزلنا بالحلقة الاولى اهو  اقتباس جميل اوى عمو عكاشه ده و لسه .. و لسه  اقتباس ياله مستنين حواديته اللى اكيد هتكون جامده باسلوب سهل وفظيع نوصل الفكرة ببساطه من غير تقعيد (عامله سجع)اشمعنه الباشا عاكاشه شكرا شكرا و بعدين اسمها و حوادياته .. مش حواديته من فضلك اقتباس مستنينك يا عكاشة .... ماشي يا باشا
|
|
|
|
|
|
3 يونيو 2007, 06:26 م
مشاركة
#10
|
|
|
و عليكم السلام و رحمة الله
اقتباس فتكفيها طلة عكش ضحكني اسم عكش ده اوى الام بتفكرني بمامتى ساعات اما بتبقى جميلة معانا كده ربنا يخليهالي يا رب مممم بالنسبة لتصرف عكاشة ممم والله لو هوا كده من زمان... ده عيب موجود في بعض الولاد مع اخواتهم للاسف كذا عيلة اعرفهم بالشكل ده بتخنق منهم اوى اما بقى لو هوا مش كده على طول هوا بس متضايق من موقف فريدة و مش فاهم ليه بتعمل كده... يعني حاول يبقى لذيذ معاها و يعرف رأيها و هيا كانت غلسة معاه عشان كده بيتنطط عليها و الام بتزود الموضوع و بتعمل مشاعر مش طيبة بين البنات و الولد كلهم غلطانين من الاخر بس اسلوبك جميل
تم تحرير المشاركة بواسطة المجاهدة: 3 يونيو 2007, 06:27 م --------------------  2allak... :D |
|
|
|
|
|
3 يونيو 2007, 06:41 م
مشاركة
#11
|
|
|
اقتباس(doctor_cool @ Jun 3 2007, 09:22 PM) [snapback]947056[/snapback] لأ كده مش هينفع مش هينفع الشغل ده و الامتحانات شغالة عايزين نركز يا جدعان هوا الابداع مش بيجي غير في الاوقات دي الفكرة جايالي و انا براجع انهردة الصبح قبل الامتحان  اقتباس حسابك معايا بعدين يا روعة يا بنتي أنا عندي امتحان بعد بكره بس المقدمة بجد جامدة جدا استني بقى أما أفضى وأقرا القصة الأولى و يسبر هنا يا مرحبا يا مرحبا ( النصب بقى )ماشي مستنياكي لغاية متقريها |
|
|
|
|
|
3 يونيو 2007, 06:44 م
مشاركة
#12
|
|
|
جوجو
منورة اقتباس(المجاهدة @ Jun 3 2007, 09:27 PM) [snapback]947065[/snapback] مممم بالنسبة لتصرف عكاشة ممم والله لو هوا كده من زمان... ده عيب موجود في بعض الولاد مع اخواتهم للاسف كذا عيلة اعرفهم بالشكل ده بتخنق منهم اوى ايوة هوا ده اللي انا بتكلم فيه اللي كده علطول ليه .. و ايه ممكن يكون ضرر ده |
|
|
|
|
|
3 يونيو 2007, 06:52 م
مشاركة
#13
|
|
|
اسلوب جميل جدا ياروعتى
بس بجد مش عجبنى اسلوب الام في التعامل سواء مع فريده وعمرو  يعنى المفروض تعقد معاه وتنتناقش في الموضوع بالهداوه مش كده بالنرفزه والغصب وكمان تربيه الام لعكش حلو عكش دهالى لاحظته من القصه انها ربته على تمثيل دور سي السيد واخواته (معلش على اللفظ) دور العبيد والتربيه دى مش امرنا بيها سيدنا محمد صلى الله عليه وسلم اى نعم ان المراه عليها شغل البيت بس مش بالتمادى كده كل حاجه تجيله وهو قاعد وبس كده ده تعقيبى للحلقه الاولى وفي انتظار الباقي |
|
|
|
|
|
3 يونيو 2007, 07:08 م
مشاركة
#14
|
|
|
ميرو
بالضبط كده ده مش اسلوب العلاقة بين الاخ و اخته طبعا ده موضوع كبير بس انا حبيت اعرضو في موقف صغير لدواعي البساطة و كمان العلاقة بين الام و ابنائها ميفعش يبقى في تمييز اوي كده لمجرد ان ده ولد على فكرة بس عايزة اقولك ان انا معنديش اخوات ولاد لحسن حد يفتركني متعقدة من اخويا و لا حاجة
|
|
|
|
|
|
3 يونيو 2007, 07:11 م
مشاركة
#15
|
|
--------------------  Nothing I can say or do Will take away what I've been through What you were is what I've come to be Nothing you can say to me Will take away these memories What you were is what I've come to be I can hardly breathe..I can hardly breathe I can hardly stop the memories.. |
|
|
|
|
|
Google Ads
Ads by google.  |
|
|
|
|
|
|
نسخة خفيفة | الوقت الآن: 30 July 2010 - 06:56 AM |
Copyright ©
AllTalaba.com
2009 Skin by
Mido Mshakel
All rights reserved
 |
 |
مِنّةُ الله
